Yek kopî ne
Rêber Hebûn
Li derveyî welêt, jiyanek li gorî welatê xwe yê seqet avakirin
Serokek ji Kurdistana diyaspora re danîn
Taca Mîrnîşînek ji kaxez lêkirin
Refên xwedî taxim û şaşikan pêşengehek ji cil û bergan li pêşiyê saz kirin
Seriyên xwe li pêşiya bejinê wî berdabûn
te got xwe ji nimêjek bê dawî re amade kirin e
bi zorê di nav komên koleyan de xwe gîhandine kursiyên pêşî
taku wêneyan bi mehdiyê nû re bigrin
Ligel komên firişte û karwanên xwedawendan hemî
Laş li ewrûpa lê hizr û reweştên wan ji çerxekî rizî
temenê wê dîrokek ji paşdemayîn û pepûkiyê ye
Serdemek borî di hembêza dema niha de saz kirin e
Li birca dîroka herî kevin ew reben dijîn
yek kopî ne
Yek poz û çav û enî ne
tek rengî ne
Hertimî li refên pêşî ne
80 sedî ji wan rojavayî ne
Lêvên wan ji maçên destan her timî birçî ne
Zimanên wan ji elastina pêlavan û gotinên şêrîn hingivî ne
dîroka durûyî ji kurdistanê destpê dike!
Dema generalê biyan li ser sehneyê derdikeve
Berî ku peyvê xwe bibêje û bikuxe
Çepikên destan vedengên wan dibin kevokên sipî
û wî hembêz dikin
Xunavên sibehan li ser taximê wî disekinin
Riwên kopî her xwe ji hevdû zêde dikin
Partiyên bê hijmar jî tevde bûn e
firûşkarê hişbirê li vir û wir
narvîna bêbext Kurdîtiyê bi destara partîtiyê ve dihêre
Û xwedayê gewre li kurdo dinêre
dema dike hawar
Eynî mîna wê xezalê bazdayî
ji pilingê har
30.07.2026
ليست هناك تعليقات:
إرسال تعليق